বিষ্ণু ৰাভা দিৱস উপলক্ষে ‘অসমীয়া সাহিত্য সন্মিলনী’ আৰু লখিমপুৰ জিলাৰ ফুলবাৰী অঞ্চলৰ ২ নং ফুলবাৰী ব্লক প্ৰাথমিক বিদ্যালয়ৰ সহযোগত আজি বিদ্যালয়ৰ সভাকক্ষত এটি বক্তৃতা অনুষ্ঠান আৰু এখন সজাগতা সভা অনুষ্ঠিত হয়। সভাত নিৰ্দিষ্ট বক্তা হিচাপে শাস্ত্ৰী স্মৃতি উচ্চ মাধ্যমিক বিদ্যালয়ৰ বিষয় শিক্ষক প্ৰবীণ মেধি উপস্থিত থাকে। তদুপৰি এই বক্তৃতানুষ্ঠানৰ লগতে বিভিন্ন সাংস্কৃতিক কাৰ্যসূচীও ৰূপায়ণ কৰা হয়। সভাত ছাত্ৰ-ছাত্ৰীসকলে ৰাভা নৃত্য, ঝুমুৰ নৃত্য প্ৰদৰ্শন কৰাৰ লগতে লগতে বক্তৃতা অনুষ্ঠানততো অংশগ্ৰহণ কৰে৷
